Friends of PrivatePrint Fund има за цел да воспостави наменски финансиски ресурс за поддршка на печатарските и продукциските активности на издавачката практика на PrivatePrint. Оваа заедница на поддржувачи е суштинска поради големиот економски јаз помеѓу високите цени, пред сè, за печатарските услуги и скромните приходи од продажбата на финално отпечатените книги. Ова е особено точно за книги како нашите, кои експериментираат и со формата и со содржината на книгата. Дополнително, постои и забележителен недостиг на грантови и спонзори кои имаат волја да финансираат проекти-книги, преку кои би се покриле неопходните продукциски трошоци (печатење и подготовка за печатење, лектура и коректура). Овие финансиски предизвици се огромна борба за малите независни издавачи, заканувајќи се на нивното опстојување и ограничувајќи ја нивната можност да придонесат во збогатување на културниот пејзаж. Со создавањето на оваа заедница на поддржувачи се обидуваме да ги намалиме овие финансиски притисоци и да овозможиме PrivatePrint да продолжи да произведува разновидни и влијателни книги.

И повеќе од ова, Friends of PrivatePrint Fund има цел која ја надминува финансиската поддршка. Овој фонд сака да создаде заедница на истомисленици кои ги споделуваат вредностите за демократизација на културата и градење културни инфраструктури. Заедно можеме да ги засилиме гласовите на уметниците и на културните работници, особено на оние што работат со горливи општествени теми и се борат да најдат поддршка и простор за израз.

Биди дел од Friend of PrivatePrint Fund, бидејќи вистинските пријатели се познаваат во тешки моменти!

You can become our friend by choosing one of the support packages: