Eris (VR Exhibition)

Eris (VR Exhibition)
Поглед 360° 15.10.2022 @ Студио PrivatePrint

Со Ема Велковска соработуваме на виртуелната изложба Eris („Ерида“) во нашето VR Studio.

Врската што ја прави Ема Велковска, меѓу дигиталниот свет и божицата од грчката митологија Ерида, е многу прониклива. Ерида е божица на раздорот и хаосот и нè потсетува на митот за јаболкото на раздорот што доведе до познатата Тројанска војна, во таа насока дигиталниот свет, особено светот на социјалните медиуми, лесно може да личи на оваа приказна. „Ерида“ е виртуелна изложба за новите реалности, новите услови за живеење и за денешниот човек. На свој начин, Ема објаснува дека животот со технологијата се пресекува со хаосот. Таа додава дека хаосот е широко прифатен како негативна состојба дефинирана со замор, анксиозност и несоница. Сепак, во исто време, тоа е природна состојба на постоењето што нè одржува во живот или ни дава сила да преживееме и да се трансформираме.

На изложбата, посетителот е добредојден да ја доживее оваа конфузност како прошетка во еден стан - сервер со премногу информации од виртуелни форми и текстури, придружена со звуци и женски глас.

Кликнете на копчето Поглед 360° во горниот десен агол, за да ја погледнете изложбата!
Упатство за најдобро да ја доживеете оваа виртуелна изложба:
1. За подобро искуство отворете ја изложбата на мобилен телефон.
2. Кликнете на првото копче на лентата со алатки на изложбата погоре, за да ја отворите на цел екран (доколку менито ви ја дозволува ова опција).
3. Кликнете allow за звук, за целосно доживување.

PrivatePrint - VR Studio е колаборативна програма за курирање и дизајнирање виртуелни изложби. Програмата е започната по идеја на архитектот и 3Д-дизајнерот Борко Хаџиевски, еден од основачите на PrivatePrint Studio и наш долгогодишен соработник, кој ја изработи виртуелната верзија на нашето студио. На даден предлог од уметник, тимот на PrivatePrint - VR Studio курира, моделира и просторно дизајнира изложба целосно поставена во виртуелниот простор.
VR Studio 2022 е кофинансирано од Министерството за култура на Северна Македонија и е овозможено преку активностите во серијата средби PrivatePrint Meets, финансирана преку Prince Claus Network Partnership Programme.

Eris (VR Exhibition) Поглед 360° 15.10.2022 @ Студио PrivatePrint

Регистрација

Eris (VR Exhibition)
Поглед 360° 15.10.2022 @ Студио PrivatePrint