Илија Прокопиев и Марија Христова во разговор со Ивана Мирчевска, Ѓорѓи Десподов, Клелија Живковиќ, Јован Јосифовски, Викторија Попоска, Џемилиана Абдулова, Христина Крстеска, Викторија Мачковска и Хана Корнети, Ивана Чалоска и Димитар Самарџиев

Во оваа книга, кураторите Илија Прокопиев и Марија Христова ги поттикнуваат читателите на богато и рефлективно истражување на новите уметнички практики во рамките на културниот пејзаж на Северна Македонија. A Book of Nine Books е производ на тригодишна соработка, дијалог и креативно експериментирање со нова генерација уметници и културни работници - оние кои се спротивставуваат на класификација и на наметнатите системи и се движат флуидно меѓу дисциплините и идентитетите.

Преку теренска работа, посети на атељеа и соработки, A Book of Nine Books открива растечки екосистем на уметници кои го преиспитуваат авторството, идентитетот и општествениот ангажман. Од работа со квир меморија во мали градови до феминистичка археологија, од раскажување приказни за пермакултурата до оживување на ромската култура, претставените проекти ги отфрлаат неподвижнитедефиниции и го прифаќаат експериментирањето и неизвесноста како витални алатки за културна трансформација.

A Book of Nine Books е првата во серијата Curatorial Insights, објавена од PrivatePrint. Оваа едиција ги испитува современите кураторски практики и методологии на работа и нуди различни перспективи за теоретските и практичните рамки што го информираат кураторскиот дискурс денес.

Проектот е спонзориран од Фондот за култура и развој „Принц Клаус“.