Имагинарни архиви - работилница за преосмислување на пејзажите од иднината

Имагинарни архиви - работилница за преосмислување на пејзажите од иднината
8 и 9 јуни 2022 во 17 часот
PrivatePrint Studio

На работилницата „Имагинарни архиви“ учесниците ќе бидат поканети да замислат како локалниот пејзаж би изгледал во иднината, имајќи ги на ум предвидувањата за опустинување на Јужна Европа врз основа на веќе видливите промени во животната средина.

Во рамките на ова сценарио, ќе се обидеме да го замислиме пејзажот и соживотот во него, преку цртање и изработка на колажи. Овие колективни замисли ќе создадат архива на предвидувања за можната иднина на опустинетата Европа.

Оваа работилница е дел од проектот „Опустинување на Европа“ (Desertification of Europe) на Хајоне Серато и Џон Халс (cerrato-halls.com) што ќе биде објавен во рамки на Emerging Concepts Edition на PrivatePrint. Авторите ја организираат оваа работилница врз основа на своето истражување, со цел заедно со учесниците да се создадат мноштво колективни слики.

Сите се добредојдени!

Доколку сте истражувач, активист или едноставно ве интересираат темите со коишто се занимава проектот (опустинување на почвата, климатски промени, биодиверзитет) пополнете го следниот формулар за учество работилницата на 8 јуни 2022 г. - https://forms.gle/5vgJrf62hRCwnroeA

Доколку сте уметник, дизајнер или креативец заинтересиран да учествува, пополнете го следниот формулар за учество во работилницата на 9 јуни 2022 г. - https://forms.gle/tShyurQJUxSBWm558

Рокот за пријавување и за двете работилници е 7 јуни.

Бројот на учесници е строго ограничен на најмногу 12 лица за секоја од работилниците.

Работилниците ќе траат 3 часа со пауза и ќе се одржуваат на англиски јазик.

Доколку имате какви било прашања слободно пишете ни на info@privateprint.mk.

За авторите:
Хајоне Серато (живее во Германија) и Џон Халс (живее во Велика Британија) (cerrato-halls.com) развиваат соработничка практика насочена кон теми поврзани со поимот за вредност и нејзиното создавање во рамки на современите општества. Нивниот пристап е мултидисциплинарен.

Во својот проект „Опустинување на Европа“ пристапуваат спекулативно во отворање на темата за животната средина и климатските промени со фокус на Европа. Проектот го третира проблемот на опустинувањето (особено) на Јужна Европа и што тоа би значело на нашата средина, изгледот на пејзажот, како тоа ќе влијае на нашиот живот, храна, поглед и замисли за иднината.

Имагинарни архиви - работилница за преосмислување на пејзажите од иднината

Регистрација