ARTechYOUTH
Имерзивна уметничка размена - Унапредување на младинските вештини на пресекот меѓу уметноста и технологијата 
- Време: 9 – 15 март 2025
- Место: Љубљана, Словенија
- Краен рок за пријавување: 3 февруари 2025

ARTechYOUTH Имерзивна уметничка размена - Унапредување на младинските вештини на пресекот меѓу уметноста и технологијата е Еразмус+ проект на младинска размена, поддржан од Европската Унија и создаден од Студио Приватен принт од Скопје, Северна Македонија и Иновато од Љубљана, Словенија.

ARTechYOUTH примарно цели да создаде богата и повеќеслојна средина за учење и соработка создадена да ги зајакне младите уметници и креативци со дигитални и креативни вештини за преку соработка да создаваат нов уметнички израз на пресекот на уметноста и технологијата. Преку соработнички и интеркултурни можности за учење, имерзивни уметнички искуства и интеграција со иновативната технологија, овој проект цели да овозможи креативност, дигитална писменост, кросдисциплинарна стручност и младинско учество во културата и општеството, со крајна цел да ги подготви младите за нивно успешно учество во современиот креативен пејзаж и придонес кон културниот и технолошкиот општествен напредок.

Кој може да учествува?
Имерзивната уметничка размена ќе вклучи вкупно 16 учесници од Северна Македонија и Словенија. На размената ќе биде поттикната употреба на сите различни јазици коишто ги зборуваат учесниците; предавањата и програмата ќе се одвиваат на англиски јазик.
Ако:

- Сте млад човек на возраст од 18 до 30 години и жител на Северна Македонија или Словенија,
- Имате афинитети кон креативниот сектор или технологијата, заинтересирани сте за полето каде што уметноста и технологијата се сретнуваат и би сакале да ги проширите своите вештини во двете полиња,
- Студент сте или млад професионалец во овие полиња, самоук или љубител, без оглед на вашето ниво на знаење можете да се пријавите на овој отворен повик,
- Заинтересирани сте да научите нови професионални и животни вештини, да размените знаење со вашите врсници,
- Мотивирани сте да соработувате и да создавате заедно во група и низ повеќе дисциплини.

Овој отворен повик е за вас!

Како можете да учествувате?
Сите учесници мора да аплицираат преку онлајн Формулар за аплицирање достапен на линкот подолу. Пополнете го и поднесете го формуларот најдоцна до 3 февруари 2025 година, до 23:59 часот.
Учесниците ќе бидат селектирани од комисија составена од претставници на партнерските организации и на предавачите, како и од надворешни советници. Процесот на селекција ќе се основа на следните критериуми:

- Подобност на апликантот (види го претходното прашање)
- Мотивација на апликантот
- Принципи на инклузивност и различност: еднакви можности за апликанти од различно потекло

Сите апликанти ќе бидат информирани за резултатите од својата апликација до 15 февруари 2025 година.

Што ќе биде обезбедено за селектираните учесници?

- Седумдневна повеќеслојна можност за учење и интеркултурна размена во Љубљана, Словенија.
- Инспиративни предавања, интерактивно учење, сесии за создавање заедно, организирани еднодневни екскурзии и културна програма.
- Сместувањето, патните трошоци и барем два оброка на ден ќе бидат покриени.
- Тим за поддршка за сите учесници и за нивните потреби пред, за време и по размената.
- Безбеден простор за различност, инклузивност, личен израз и активно учество.
- Сесии за фидбек и евалуација, YouthPass.

Формуларот за аплицирање и сите информации за овој отворен повик се достапни во документот - прочитајте го ТУКА!

За дополнителни прашања, обратете се на info@privateprint.mk

Ги очекуваме вашите апликации!!